سحابــــــــــــــــــــــه
جف الكلام ومدت يدينها فــــــــــوق
اخترت هذي وانت شفلك سحابـــــه
قلت ويديني تحتضنها مثل طـــــوق
اخترت هذي هذي اكثر رحابـــــــه
هذي دفا صوت من البرد مخنـــوق
هذي سؤال نصف عمري جوابــــه
هذي هي اللي عرفتني على الشـوق
هذي قدر ما كنت حاسب حسابـــــه
قطعة حزن في جيب بالي ومشقـوق
ومضه فرح في عيون ناس غلابـــة
ان سولفت في ثغرها لمعة بـــــروق
وان سرحت في عيونها صمت غابه
وليا ضحكت نور من الفجر مسروق
وليا بكت تحزن عليها الكـــــــأبـــــة
حبي لها لو ادري ان فيه مخلــــــوق
قد حب مثله قلت ياللــــغرابـــــــــــة
هالادمي من وين له قلب وعــــروق
والصبر هالمسكين من وين جابـــــه
وانا اتكلم ردت عيونها فـــــــــــــوق
ثم تمتمت منهي هالاكثر رحابــــــــة
قلت و يديني تحتضنها مثل طـــــوق
في ذمتي ماشفت غغيرك سحابــــــه
من روائـــع الشاعر فهد المساعـــد
